ગુજરાતી ભાષા મારી મા છે,
સંસ્કૃત ભાષા મારી દાદી છે.
અંગ્રેજી ભાષા પડોશમાં રહેતી
એક રૂપાળી નારી છે.
દિવાળીના દિવસે પડોશમાં રહેતી
રૂપાળી નારીને પગે
લાગી એકસો એક ડોલર લઈશ.
પણ ઉંઘ આવે ત્યારે
મારી માનું જ હાલરડું સાંભળીશ.
પેટમાં દુખે ત્યારે દાદીના
હાથે સૂંઠ-ઘી ખાઈ
મારું જીવન સાર્થક કરીશ.
2 comments:
કોઈ પણ પદાર્થને કોઈ પણ પળે પરિત્યાગવા માટે તૈયાર રહેવું એ અનંતના દ્વારને ઉઘાડવા બરાબર છે.
શાંતિ કેવળ ભૌતિક ઉત્કર્ષથી મળે તેવી નથી. શાંતિ કેવળ સૌંદર્ય કે યૌવનથી પ્રાપ્ત થાય તેવી નથી. તે કેવળ પદ, પ્રતિષ્ઠા કે અધિકારથી પ્રાપ્ત થાય તેવી પણ નથી. શાંતિ તો પોતાની અંદર જે આત્મા છે તેની તરફ અભિમુખ થવાથી ધીરેધીરે અનુભવી શકાય તેવી છે. જ્યાં સુધી મનને પોતાની અંદરની દુનિયામાં નહીં ઉતારીશું ત્યાં સુધી સનાતન શાંતિ નહીં સાંપડે.
Post a Comment